ໃນຕອນບ່າຍຂອງວັນທີ 6 ກຸມພາ 2025 ທີ່ຜ່ານມາ, ທ່ານ ນາງ ບຸນຄຳ ວໍລະຈິດ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ບຸດສະດີ ສັນຕິພິທັກສ໌, ຫົວໜ້າກອງເລຂາ ຄະນະກຳມາທິການແມ່ນໍ້າຂອງສາກົນ (CEO of MRCS) ພ້ອມດ້ວຍຄະນະ.
ໂອກາດດັ່ງກ່າວ ທ່ານ ນາງ ບຸນຄຳ ວໍລະຈິດ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍ ທີ່ທ່ານ ນາງ ບຸດສະດີ ສັນຕິພິທັກສ໌ ທີ່ໄດ້ຮັບການແຕ່ງຕັ້ງ ເປັນຫົວໜ້າ ກອງເລຂາ ຄະນະກຳມາທິການແມ່ນໍ້າຂອງສາກົນ (CEO of MRCS) ເຊິ່ງເປັນການສືບຕໍ່ພາລະກິດໃນການຄຸ້ມຄອງກອງເລຂາ ຄະນະກຳມາທິການແມ່ນໍ້າຂອງສາກົນ ຕາມສັນຍາແມ່ນໍ້າຂອງປີ 1995 ແລະ ທັງສອງຝ່າຍຍັງໄດ້ມີການແລກປ່ຽນ ແລະ ປຶກສາຫາລື ກ່ຽວກັບແຜນການ ແລະ ບຸລິມະສິດຂອງ ຄະນະກຳມາທິການແມ່ນໍ້າຂອງສາກົນ (MRC) ເປັນຕົ້ນແມ່ນການກະກຽມສະເຫຼີມສະຫຼອງ ວັນເຊັນສັນຍາແມ່ນໍ້າຂອງຄົບຮອບ 30 ປີ, ບັນຫາອື່ນໆທີ່ກ່ຽວຂ້ອງໃນອ່າງແມ່ນໍ້າຂອງ ເຊັ່ນ: ມົນລະພິດໝອກຄວັນຂ້າມແດນ, ຄຸນນະພາບນ້ຳ, ມົນລະພິດປລາສຕິກ ແລະ ຜົນກະທົບຈາກການປ່ຽນແປງຂອງດິນຟ້າອາກາດ ຢູ່ອ່າງແມ່ນ້ຳຂອງ. ພ້ອມທັງຍົກໃຫ້ເຫັນເຖິງຄວາມສຳຄັນຂອງການເພີ່ມທະວີການຮ່ວມມືກັບຄູ່ຮ່ວມມືເຝົ້າລະວັງແມ່ນ້ຳ, ລວມທັງຄວາມຈຳເປັນອັນຮີບດ່ວນຂອງແຜນທີ່ນ້ຳຖ້ວມ ແລະ ລະບົບເຕືອນໄພລ່ວງໜ້າເພື່ອກຽມພ້ອມຮັບມືກັບໄພພິບັດທາງທຳມະຊາດທີ່ອາດຈະເກີດຂຶ້ນໃນຕໍ່ໜ້າ.
ໃນຕອນທ້າຍ ທ່ານລັດຖະມົນຕີ ກໍໄດ້ອວຍພອນໃຫ້ທ່ານ ນາງ ບຸດສະດີ ສັນຕິພິທັກສ໌, ຈົ່ງປະສົບຜົນສຳເລັດໃນການປະຕິບັດໜ້າທີ່ເປັນ ຫົວໜ້າກອງເລຂາ ຄະນະກຳມາທິການແມ່ນໍ້າຂອງສາກົນ ຢູ່ ສປປ ລາວ ສືບຕໍ່ສ້າງຄວາມເຂັ້ມແຂງໃຫ້ບັນດາປະເທດສະມາຊິກ ຄະນະກຳມາທິການແມ່ນນໍ້າຂອງສາກົນ ໃຫ້ສາມາດກຸຸ້ມຕົນເອງໄດ້ພາຍໃນປີ 2030.
ແຫຼ່ງຂ່າວຈາກ: ໜ່ວຍຂ່າວ ກຊສ
- ໜ້າຫຼັກ
- ລະບົບຕິດຕາມ
- ຂໍ້ມູນຂ່າວສານ
- ພະຍາກອນລະດັບນໍ້າຂອງ
- ສະຖານີ_ຊຽງແສນ
- ສະຖານີ_ຫຼວງພະບາງ
- ສະຖານີ_ຊຽງຄານ
- ສະຖານີ_ວຽງຈັນ
- ສະຖານີ_ໜອງຄາຍ
- ສະຖານີ_ປາກຊັນ
- ພະຍາກອນສະຖານີ_ນະຄອນພະນົມ
- ສະຖານີ_ທ່າແຂກ
- ພະຍາກອນສະຖານີ_ມຸກດາຫານ
- ສະຖານີ_ສະຫວັນນະເຂດ
- ພະຍາກອນສະຖານີ_ໂຂງຈຽມ
- ສະຖານີ_ປາກເຊ
- ພະຍາກອນສະຖານີ_ຊຽງແຕງ
- ພະຍາກອນສະຖານີ_ກະແຈະ
- ພະຍາກອນສະຖານີ_ກໍາປົງຈາມ
- ພະຍາກອນສະຖານີ_ພະນົມເປັນບາສັກ
- ພະຍາກອນສະຖານີ_ທ່າເຮືອພະນົມເປັນ
- ພະຍາກອນສະຖານີ_ເກາະແຄນ
- ພະຍາກອນສະຖານີ_ແນັກລອງ
- ພະຍາກອນສະຖານີ_ແປັກກະດາມ
- ພະຍາກອນສະຖານີ_ຕັນເຈົ່າ
- ພະຍາກອນສະຖານີ_ເຈົ່າດອກ
- ລະບຽບການຂອງ ຄມສ
- ສະແດງຂື້ນໜ້າຈໍ
- ຂ່າວ
- ກອງທຶນພິເສດ ແມ່ນ້ຳຂອງ-ແມ່ນ້ຳລ້ານຊ້າງ
ພາສາລາວ